Euskera

   BILBO, 21 Nov. (EUROPA PRESS) -    Bilboko Burtsa 0,17 puntu jaitsi da gaurko saioaren amaieran eta behin betiko indizea 1.387,44 puntukoa izan da. Modu honetan, Bilboko Burtsaren indizea %0,01 jaitsi da.

   BILBO, 21 Nov. (EUROPA PRESS) -    Bidezko Merkataritzaren Astearen seigarren edizioa hasiko da datorren astelehenean Bilbon. Bertako Udaleko Berdintasun, Lankidetza eta Herritarren Sailaren ekimena da, hirian bidezko merkataritzan lan egiten duten GKEk babestuta eta BBKren gizarte-ekintzak lagunduta.

   DONOSTIA, 21 Nov. (EUROPA PRESS) -    Miramongo Matinee-ak zikloaren denboraldiko bosgarren emanaldia ospatuko da bihar Euskadiko Orkestraren egoitzan, Donostian, Orfeoi Txikia protagonista dela, antolatzaileek jakinarazi dutenez.   1988an sortu zen eta bere helburua Donostiako Orfeoiaren geroa ziurtatzea da, baita erakundearen barruan abian dagoen Musika Tailerrean hasitako lanarekin jarraitzea ere. Egun, 8 eta 14 urte bitarteko 160 haurrek osatzen dute, astean bi aldiz elkartzen dira eta abeslari bihurtzeko asmoarekin trebatzen dira bertan. Haurren abesbatza hau Donostiako Orfeoiaren harrobi nagusia da.

   BILBO, 21 Nov. (EUROPA PRESS) -    Euskalmet Meteorologiaren Euskal Agentziaren iragarpenaren arabera, bihar eguraldiak ildo beretik jarraituko du. Zerua lainotuta egongo da eta euria egingo du, Kantauri isurialdean batez ere. Lurraldearen hegoaldean, giro argiagoa nagusituko da eta euri gutxiago egingo du.

   DONOSTIA, 21 Nov. (EUROPA PRESS) -    Gipuzkoako Foru Aldundiko Garapen Iraunkorreko diputatu Carlos Ormazabal "Prebentzioari eta Birziklatzeari buruzko Europako Politikaren" inguruko mahai-inguruan parte hartzera gonbidatu dute gaur, Bruselan, eta materia organikoen gaikako derrigorrezko bilketa ezartzeko proposamena egin dio Europar Batzordeari.

   DONOSTIA, 21 Nov. (EUROPA PRESS) -    Donostiako Club Vasco de Camping elkarteak eta Donostia Kulturak antolatutako Mendia eta Natura Astea ospatuko da Okendo Kultur Etxean azaroaren 24tik 27ra bitartean. Jardunaldietan mendia eta naturari buruzko ikus-entzunezkoak emango dira, programazio original eta askotarikoan.

   BILBO, 21 Nov. (EUROPA PRESS) -    Bilboko Eliz Museoak "Munduko Jaiotzak" erakusketaren laugarren ekitaldia jarriko du martxan bihar. Erakusketa museoaren klaustroan dago eta urtarrilaren 11ra arte egongo da zabalik, sarrera doakoa izanik. Munduko leku gehienetako 250 jaiotzatik gora izango dira ikusgai erakusketan, museoko arduradunek jakinarazi dutenez.

   DONOSTIA, 21 Nov. (EUROPA PRESS) -    Babarrunen Pintxoen Lehiaketa ospatu zen atzo Tolosako (Gipuzkoa) Babarrun Jaian. Tolosako babarruna osagai nagusia izan zuten pintxoen lehiaketaren edizio berri honetan Tolosa eta Gipuzkoako beste herri batzuetako lehiakideek parte hartu zuten, eta Tolosako Lainoa tabernako Angel Oyarzabal izan zen garaile, babarrunazko kaneloi batekin, azazko purea, odoloste binagreta eta Ibarrako piperraz lagundutakoa.

   BILBO, 21 Nov. (EUROPA PRESS) -    Bartzelonako Auditorioa, Donostiako Kursaal eta Iruñeko Baluarte Antzokia jendez gainezka bete ondoren, Benito Lertxundik Bilboko Euskalduna Jauregian aurkeztuko du azaroaren 29an "Itsas Ulu zolia" bere lan berria bilbotarren aurrean.   Elkar diskoetxeko iturriek adierazi dutenez, musikari oriotarraren azken lana 13.500 aleko salmenta lortu du, joan den urriaren erdialdean kaleratu zenetik.